आनन्दगिरिटीका (छान्दोग्य)
द्वितीयोऽध्यायः: अष्टमः खण्डः
अधिकसंख्याज्ञानस्याल्पसंख्याज्ञानपूर्वकत्वात्पञ्चविधोपासनानन्तरं सप्तविधोपासनं प्रस्तौति –
अथेति ।
पूर्ववल्लोकेष्वितिवत्सप्तमी च नेतव्येत्यर्थः ।
वाक्शब्देन शब्दसामान्यमुच्यते तत्सप्तधाप्रविभक्तसामावयवेष्वारोप्योपासनं कर्तव्यमिति वाक्यार्थमाह –
वाग्दृष्टीति ।
यत्किञ्च वाच इति वाक्योपादानं; तस्यार्थमाह –
शब्दस्येति ॥१-३॥
इति श्रीमदानन्दगिरिटीकायां द्वितीयाध्यायस्याष्टमः खण्डः ॥